IMAXINA QUE TE VEXO, QUE ME FALAS - Galicia Terra Nai

IMAXINA QUE TE VEXO, QUE ME FALAS. 
Poema de Carlos Callón.

Imaxina que te vexo, que me falas,

que a amizade retorna

sen medo

ás pequenas traizóns e desamparos.

Que estraña beleza aí,

sen ollarse no espello e verse a caluga.

Sen rostro, en fin,

mais cun sentido.

Como se o berro saíse da gorxa 

e o ouvises desde o tímpano.

Carlos Callón

Foto © Xoan Piñón

Edificio Modernista "protexido"

English version

Edificio Modernista "protexido" 

 A conservación do Patrimonio Arquitectónico está demostrado que aporta un gran valor engadido a pobos e cidades. A falta de conciencia e respecto cos edificios históricos é evidente; unha nova normativa para protexelos está por facer. 

 Este despropósito de construción na rúa Orillamar da Coruña, na que unha fermosa casa modernista protexida é “integrada” na fachada dunha “mole” sen xeito, foi froito da dura especulación urbanística que sufrimos no barrio durante varios anos. 

 Postformados, patéticas imitacións de galerías e vidros espellados son un exemplo claro do “feísmo” consentido. O grande impacto sobre o chan para facer catro andares soterrados para garaxes, fixeron necesario furar con centos de barrenos unha dura base de granito, as casas colindantes sufriron graves desperfectos … o ruído superou todos os límites permitidos e os veciños saíron á rúa a manifestarse. 

Aínda por riba teño que vela todos os días. 

 Xoan Piñón


Foto © Xoan Piñón

Los Doré (1990)

English version

Con vosotras no hay manera.

Imaxe realizada para o vinilo do primeiro traballo discográfico de Los Doré "Con vosotras no hay manera". Este disco foi o primeiro en Galicia financiado polos seareiros, adiantándose nunha década ao que hoxe se coñece como "crownfunding" e marcou o comezo dunha longa andaina do grupo. No río Mero (Cambre, A Coruña) e con moita ironía nunha "góndola" de cartón termada aos fondos do río Mero por dous cabaletes Los Doré (Marcos Meléndrez e Pepe Méndez) agasallan á rapaza (Carmen López) cunha romántica e surrealista viaxe veneciana … con vosotras no hay manera!

O aparello, fondeado durante toda a noite, estase desfacendo e quédanlle un par de horas; Carmen, Marcos e Pepe -remangados polo río- soben á góndola con todo o atrezzo, sabendo que aquilo vaise ir a pique. Hai que vestirse axiña, pórse en situación … todo é frenético pero eles interpretan o momento á perfección entre risas e présas …
A produción, atrezzo e estilismo foron realizados por Alfonso deLonghi e Óscar Vázquez cos que traballei en numerosas e imaxinativas ocasións.

 Entrevista en La Voz de Galicia a Marcos Meléndrez

foto © Xoan Piñón