Filloa Express (1980)

English version

De esquerda a dereita : abaixo, tomando o bocata, Suso "El Chapas", enriba o grupo Filloa Express con Daniel Val (baixo), Fito Ares (flauta), Antonio Ferreiro (saxo), Antonio Constenla (batería), Willy Prieto (trompeta) e Manuel Varela (teclados). O grupo Filloa Express, comeza a finais dos anos setenta e, ata hoxe, foi variando as súas formacións musicais desde trío a big band. A actuación perto da Torre de Hércules estaba organizada polo primeiro goberno democrático do Concello de A Coruña e, co vento de aliado, respírase a ilusión dun gran movemento cultural que comezaría a espertar.