Festival Internacional do Mundo Celta de Ortigueira. "A Paisaxe Humana" (2003)

English vesion

Ver pase de diapositivas de "A Paisaxe Humana" en Flickr
"Festival internacional do mundo celta de Ortigueira" .
No ano 2003, co gallo do 25 aniversario, invitáronme a facer unhas fotos conmemorativas. Ocorréuseme documentar o festival desprazando o meu estudio con todos os seus pertrechos a Ortigueira e facer un "casting" moi completo fotografando xente sen intervir na súa actitude natural perante a cámara.
Co nome de "A Paisaxe Humana", na exposición quedarían representados os habitantes da vila, os músicos, organizadores e toda a xente que aló se achega para pasar uns días inesquecibles.
As fotografías -que teñen a medida exacta da estatura das persoas retratadas- expuxéronse no claustro do Concello de Ortigueira, e nelas pódese ver polo miúdo á xente que posou no "set" da Praia de Morouzos e na Praza de Abastos (pretiño do escenario).
Nos tres días que durou o Festival de Ortigueira 2003 fotografamos 165 persoas, traballo que despois da escolma quedou reducido a 60 imaxes, e desas, para a exposición e por motivos de espazo, positiváronse só 20. A colección "A Paisaxe Humana" está depositada no Concello de Ortigueira.

enlace relacionado

Ficha técnica :
Produción e casting : Marina Río e María Yáñez
Asistente de fotografía : Alba Vázquez

Luz: Interior Flash
Balance de brancos: 5.500ºK
Cámara: Hasselblad con respaldo dixital 11 Mpix
Obxectivo: Zeiss 80 mm
Exposición: 1/125 seg
ISO: 50